Thi Wasl Mein Bhi Fikr-E-Judaayi Tamaam Shab

Ghulam Ali

thi wasl mein bhi fikr-e-judaayi tamaam shab
wo aaye bhi to nind na aayi tamaam shab

yak baar dekhate hi mujhe gash jo aa gaya
bhuule the wo bhi hosh-rubaayi tamaam shab

mar jaate kyuun na subaho ke hote hi hijr mein
takalif kaisi kaisi uthaayi tamaam shab

garm-e-jawaab-e-shikawaa-e-jaur-e-udu raha
us sholaa-bu ne jaan jalaayi tamaam shab

' momin' main apane naalon ke sadaqe ke kahate hain
unako bhi aaj nind na aayi tamaam shab

Tracker

All lyrics are property and copyright of their owners. All lyrics provided for educational purposes only.