Ko'ápe che avy'ave
Dúo de Oro Oviedo Barreto
Ko'ápe che avy'ave umi pytagua retãgui
Ndo'ái tata che reságui, hekoguapy che rete
Vaípe aikórõ guare ndahechavéi ni che képe
Maymarõite che rapépe hokypu vy'apavê
Ñandejárante raka'e chesambyhy chererúvo
Che rekove amboyvytúvo añaraitýgui aveve
Yma ymave guare teko asykue cherejáma
Veneno rykue hypáma chemoakãnga'úmi va'ekue
Ko'ápeko che ahendu música pu memetéva
Umi guyra oñe'êva ha oguerúva pytu'u
Oime makagua arandu ha umi jaku hetakuére
Okokoréma óga jerére hesakãvo ko'êju
Ikangymíva yvytu ou amo mombyrýgui
Ogueru ka'aguypýgui obrajero hácha pu
Kyre'ỹme ñahendu tapicha oharyvóva
Umi yvyra iporo'óva oipotágui upe viru
Taguato ahendu oñe'ê kuarahy oikepamívo
Ha jasy hendy tinívo ojahe'o g̃uaig̃uingue
Karãu ave oñe'ê tuju vai piritýre
Imandu'áje isýre ha ombyasy iñañahague
Ha tóldope pyhare guaikuru opurahéiva
Chícha ho'úrõ ndokéiva, osavaipo joaite
Iñapesãmba ojuehe ha ojeroky umi kuñáva
Ñahendu omoporarãva pe guasu pysãpêngue
Ha sábado ka'aru ka'aguygua osê okápe
Ijatypa carreriápe ha oiko ku talla, ayvu
Jáma oiko mbarakapu, jeroky katu ipahápe
Ñaroko'ê ñemongetápe chaqueña ra'yrusu
Guahógui ohua'îmbaite oîhaicha estanciero
Alambrador ha carrero, mitã ka'avo meme
Kuña apytépe toike tojerokýke la ipúva
Ñahendúma omombe'úva Salomón rekovekue
Ko'ápe che avy'ave, ambiriki cheresãigui
Umi mbopi ha pirãigui mombyrýma ajere
Florídapema aime yvagapýperô guáicha
Ko'êre aveve guyráicha chemboriahúrô jepe