• top 100 lyrics
• new lyrics

Silenzio Cantatore

Canzoni Napoletane

Zitta,
stanotte nun dicere niente:
cádeme 'mbraccia, ma senza parlá...
Dòrmono 'e ccose nu suonno lucente,
nu suonno 'e na notte d'está.

Marí,
dint' 'o silenzio,
- silenzio cantatore -
nun te dico parole d'ammore,
ma t' 'e ddice stu mare pe' me!...
Dimme:
stanotte si' tutta d' 'a mia?
Ll'uocchie tuoje belle
mme diceno 'e sí...
No, cu 'sta luna, nisciuna bucía
sta vócca buciarda pò ddí!...

Marí......