Wr9a Mchrga Mn Dftari
Pause Flow
ثلاثة ديال الشهور وانا قاطع هاد السم
حتى قلت ربحت المعركة و dommage رجعت نشم
ماكنش فبالي تاني شوكة تدوز ليا للدم
ماكنش فبالي تاني نولي زومبي جلدة على العضم
ماشي القدر ديال الله هادا القدر ديال العبد سلاك
تابعني جن مخبي وسط الماكياج و السواك
تابعاني مافيا باغيا يموت لساني بشواك
ينعل بوك آ لمغرب ولادك ماتو ف الزناقي بالكراك
كولا صباح لاقياني الواليدة جوتا فوق الفراش
ليباري عامرة ديمي خانز لاش آ ولدي علاش
لاكانت العشرة تجمعنا على غرام و نص ببلاش
ماتدوخش عليا هادي بلاد فيها البزناسة صحاب الحناش
تانشوف راسي ف المرايا اليوم و كنقول هادي تالية
تايجي الشيطان و تايگولي زيد آخر دوزة ديال المسالية
تانشوف راسي ف المرايا نغوتي صافي هادي تالية
ينعل بو الحياة لي يجيني الغرام رخيص و الخضرة غالية
كي بغيتي مانبرموش الحشيش رازي را خنقوني
وزارة الداخلية معمرة ثقافة يمنعوني
نهار هزيت ورقة و ستيلو نعبر جاو مينطوني
وانا كي الغيوان نغوتي ف اللور ديال الوشمة غير خوضوني
حليت عيني ف بورو الفرقة الوطنية كاتسقسيني
كيفاش حلوسة و Génération Z و معامن مْسيني
اليوم كنجاوب ضابط غدا يجي تاني ينسيني
وانا بالي ف الواليدة خايفة طاحو دموع من عيني
سمحولي ندير إشهار دير أمور قبل ما تبلا
راه حنا لي لحنا شيطان وسط رازي و ناد الصلاة
نهار شعلات شمعة وسط الضلامي جاو باركولي نور، دوينا
نهار شعلات العافية ف خيامي كولشي رجع اللور، تعرينا
لوح سم دفنو ف البحيرة
لاكان نيف شريف مومتك راه أميرة
فيلم هندي حاط ف نافذة الكوفاشا
مكيمش دارب الڭامبا وصلت سلاوي حفيد عوكاشة
ف القاع ديال الكار تلسيقة باردة رصاين كاتپاسا هاك دوزة عطيني طاسة، عين ف الحلمة عين عساسة
عابر سبيل للدروگا كان أمير من النبلاء، حد مي نقرا حرة طاح بين يديي [?] السفهاء
آخر عشاء لداحدة ف حالة غرام حاشاك ماشي تسالا العالم
من مورا كولا باي، باي يا تيارة دماء و سلام
الميراج طلقا ميترايوز تاريخ كتبو الألم
كول واحد فينا و لاش سبعانو كاترولي القلم
شي على الهجاء شي حيت [?]
ييه، طريق البلية ماتها واخا تبانليك من برا إيزي
قتلني بغيت نموت Pause ما ماتش و مات Nizzy
شوكة كي الخيالة مبردة ف راسي
لا الجام لا السرج
قود من الحبس د قارا يا لي داخل ف الخرجة تعرج
ساعتو لي الله و لي الله ساعة
الأمراض النفسية ف جنابي، بين با و مي و صحابي
تيقة غير إشاعة
Pause كي ساموراي عاطي لراسي الولاء و الطاعة
قولوا الأمير دولة لاش أنا محرم ف الإذاعة
Pause حفيد من حفاد الكاهينة
المغاربة كاتبّيفي ف دزاير و غاديا شاحينة
ما خماس أنا، ما وطني
شرح الباك أنا فنان مغربي و راضي بگاع الظلم مادام العدالة د وطني
الله لي بغاني نطيح بوحدي ف هاد الطريق راضي بمكتابو
مدمن تحت رقابة بسوفل خوف الوالدين
لي كاتجهل معنى الإدمان و كايبغيو يأثروه ف بيئة عمومية مفتوحة
لي كايكون المدمن معرض فيها للشوتة لي أنا فيها دابا
بسباب الأشخاص لي كانو كاي كونسوميو معايا
الإنسان ثلاثة: اللحم و النفسية و المجتمع
بهاد الثلاثة ديال الجوانب كاتكون بيئة تقدر تنبت فيها، فاك
الإنسان ثلاثة: اللحم و النفسية و المجتمع
ملي كنموتو كنقدرو نوليو أرضية خصبة للفطريات المسمومة
ولكن لي بغيت نقول، هو ولو حنا حيين راه حنا أرضية خصبة للأفكار المسمومة
ممكن تنبت فيك شجرة الغلة ديالها زوينة ممكن تنبت فيك شجرة الغلة ديالها
حنا أرضية خصبة لأي مادة سقطات علينا، دخلناها للجسم، و لدماغنا
كيفاش كاينتاقل الفيروس
الله خلق الإنسان ف حاجة ماسة للغذاء
بغا ياكل خاصو لي يعاونو، الإنسان اجتماعي بطبعو
يعني بالتالي هاد التفاعل الاجتماعي
الله ما خلق تا شي واحد مبلي بمادة معينة
المادة كتاسبتيها ف ديك الفوضى الاجتماعية لي خرجتي ليها من كرش موك
سقيتي الفيروس من كائن بشري لكائن بشري تا وصل باش سقطات فيك البذرة المسمومة الفيروسية
هاد البذرة ملي كاتلقى ظروف و شروط ديالها فين تكبر و تكتر
حنا ما شريناش الحشيش، عطاونا الحشيش
أنا وياك ما شريناش الكوكايين عطاونا الكوكايين
أنا وياك طاحت فينا الزريعة المسمومة و بدات كاتنبت
هادي ورقة مشرگا من دفتاري