Amor Duenti
Marylanah
Bu ta txiga pertu, nha korpu ta ardi
Bu purfumu ta fika, más bo bu ta bai
Bu flam ma bu ta mam, más un’sabi mé mintira
Un'fika preza na bu toki, i di bu abuzu també
Un'ta volta pa bó, mesmu sabendu modi ki ta kaba
Bu beju é frida ku gostu di roza
Amor duenti, un’ka sabi kori del
Bu sombra ta vivi dentu di mi
Preza na bo, nés prizon ki ka ten kor
Bu olhar é um lumi cezu, bu amor é cheio di dor
Bu ta flam mé so paixon, más pa mi é so kontrolu
Bu korpu ta keman, é nha kastigu i nha konsolo
Bu ta grita ku mi, dipós bu ta pidin diskulpa
I mi bakan n’ta kala, ku koraçon ta dué
Horas ki bu tokan, nta xinti prazer i medu
Bu ten poder di tra txon di baxu nha pé
Mesmu maguáda, un’ta volta pa bo
Bu fetiçu ka sta dexan bai
Djan pensa na amau óh dexau, un’ka sta konsigui dicidi
Bu boka ta manda, ami nta siguiu
Preza na bo, nés prizon ki ka ten kor
Bu olhar é um lumi cezu, bu amor é cheio di dor
Bu ta flam mé so paixon, más pa mi é so kontrolu
Bu korpu ta keman, é nha kastigu i nha konsolo
Sin dexau, nha mundu ta kai
Más sin fika, nha alma ta bai
Na meio di paraizu ku bu infernu
Un'fika viciada na bu venenu
Preza na bo, Dja un’ka sabi kenha ke mi
Bu toki ta kura i dipós ta distrui
Bu ta flam mé so amor, más pa mi é so prizon
I mesmu asin, bo é nha perdiçon