Chemandu'ávo che vallemíre
Americanta
Chemandu'áramo aína
Che vallemíre chepirîmbáva
Hi'ãgui ikuarahy'ãme
Aikomijey ku akahatãme
Ko'ã mombyry aimehápe
Che korasõme chupe arekóva
Ha chehegui ndoje'ói
Ahasava'ekue yma chemitãme
Ahecha paite umi arasaty
Ijojaha'ỹva umi ka'aguy
Che mitã irûnguéndie rohómihague
Roipo'ohag̃ua yva ha yvoty
Ikatuvovénte ag̃uahê jeýne
Che róga rokême ambarakapu
Ha che sy opu'ãvo vy'a ha torýpe
Tacheañuã ha tacheretû
Ndaipóri che vallemíme
Ko yvy ápe ári ombojojáva
Henyhêgui ipype
Ysyry satî ipiro'ysãva
Ha umi tajy sa'yju
Kuarahy ratápe ojajaipáva
Guyrakuéra oîhaguéicha
Upépe añoite ha'ete ovy'áva
Ahecha paite umi arasaty
Ijojaha'ỹva umi ka'aguy
Che mitã irûnguéndie rohómihague
Roipo'ohag̃ua yva ha yvoty
Ikatuvovénte ag̃uahê jeýne
Che róga rokême ambarakapu
Ha che sy opu'ãvo vy'a ha torýpe
Tacheañuã
Ha tacheretû
(Tacheañuã ha tá cheretû)